SBI Foundation ASHA Scholarship 2025: વિદ્યાર્થીઓને મળશે 20,000 થી 20 લાખ સુધીની સહાય
જો તમે આર્થિક પરિસ્થિતિને કારણે તમારા ભણતરને આગળ ધપાવી શકતા નથી, તો SBI ફાઉન્ડેશન તમારા માટે આશાનું કિરણ લઈને આવ્યું છે. SBI ફાઉન્ડેશન આશા શિષ્યવૃત્તિ 2025 એવા તેજસ્વી વિદ્યાર્થીઓ માટે છે જેઓ આર્થિક રીતે નબળા પરિવારોમાંથી આવે છે. આ શિષ્યવૃત્તિ યોજના હેઠળ, SBI 23,230 મેરિટોરીયસ વિદ્યાર્થીઓને કુલ ₹90 કરોડની આર્થિક સહાય આપશે.
કોણ અરજી કરી શકે છે?
આ શિષ્યવૃત્તિ ધોરણ 9 થી લઈને અનુસ્નાતક કક્ષા સુધીના વિદ્યાર્થીઓ માટે ઉપલબ્ધ છે. તેમાં શાળાના વિદ્યાર્થીઓ, અંડરગ્રેજ્યુએટ, પોસ્ટગ્રેજ્યુએટ, IIT, મેડિકલ કોલેજ અને IIM ના વિદ્યાર્થીઓનો સમાવેશ થાય છે. આ ઉપરાંત, વિદેશમાં અભ્યાસ કરવા માંગતા વિદ્યાર્થીઓ પણ આ શિષ્યવૃત્તિ માટે અરજી કરી શકે છે.
શું લાભ મળશે?
આ શિષ્યવૃત્તિ હેઠળ પસંદ થયેલા વિદ્યાર્થીઓને તેમના અભ્યાસક્રમ પૂર્ણ થાય ત્યાં સુધી દર વર્ષે ₹15,000 થી ₹20,00,000 સુધીની નાણાકીય સહાય આપવામાં આવશે. આ રકમ વિદ્યાર્થીના અભ્યાસક્રમ પર આધાર રાખે છે. આ સહાય વિદ્યાર્થીઓને આર્થિક બોજ વિના પોતાનું શિક્ષણ ચાલુ રાખવામાં મદદ કરશે.
અરજી માટેની પાત્રતાના માપદંડ
અરજી કરવા માટે વિદ્યાર્થીએ નીચેના માપદંડોને પૂર્ણ કરવા આવશ્યક છે:
- અરજી કરનાર ભારતીય નાગરિક હોવો જોઈએ.
- છેલ્લા શૈક્ષણિક વર્ષમાં ઓછામાં ઓછા 75% ગુણ અથવા 7.0 CGPA હોવા જોઈએ.
- શાળાના વિદ્યાર્થીઓ માટે પરિવારની વાર્ષિક આવક ₹3 લાખથી ઓછી હોવી જોઈએ.
- કોલેજના વિદ્યાર્થીઓ માટે પરિવારની વાર્ષિક આવક ₹6 લાખથી ઓછી હોવી જોઈએ.
મહત્વપૂર્ણ તારીખો
- અરજી શરૂ થવાની તારીખ: 18 સપ્ટેમ્બર, 2025
- અરજી કરવાની છેલ્લી તારીખ: 15 નવેમ્બર, 2025
અરજી કેવી રીતે કરશો?
અરજી કરવા માટે, તમે SBI ફાઉન્ડેશન આશા શિષ્યવૃત્તિની સત્તાવાર વેબસાઈટ https://www.sbiashascholarship.co.in/ ની મુલાકાત લઈ શકો છો. ત્યાં તમને અરજી પ્રક્રિયા અને અન્ય જરૂરી માહિતી મળી રહેશે. તમે ફોટામાં આપેલા QR કોડને પણ સ્કેન કરી શકો છો.
આ શિષ્યવૃત્તિ દ્વારા SBI ફાઉન્ડેશન ભારતને એક “વિકસિત ભારત” બનાવવાની દિશામાં એક મહત્વપૂર્ણ યોગદાન આપી રહ્યું છે. તો, આજે જ અરજી કરો અને તમારા ઉજ્જવળ ભવિષ્યનો પાયો નાખો!
જો તમને વધુ કોઈ માહિતી જોઈતી હોય, તો તમે ashasscholarship@sbfoundation.co.in પર ઈમેલ કરી શકો છો અથવા 011-430-92248 (Ext: 303) પર સંપર્ક કરી શકો છો.